Bij de Molen
Knis Beheer
KOOZAA
Huitsing & Poort
Hotel 't Gemeentehuis
De Kleine Munt

Veur t zootje holln

Beste dames/heren,
Gisteren zag en hoorde ik Freek de Jonge op RTV Noord. Daar kan nog wel een schepje boven op dacht ik. Geboren in Stedum in 1944, sinds 1979 woonachtig in Waalre Noord Brabant onderhoud ik mijn Groningse Roots dagelijks.
Ik schrijf  niet het allerbeste Gronings – spreek dat wel dagelijks met mijn vrouw – maar de onderstaande tekst valt wel te begrijpen denk ik.
Niet om te zingen – om de nagedachtenis aan Ede Staal niet te bederven –  maar mogelijk wel geschikt voor een voordracht. U ziet maar, de delete-knop doet het ook in Groningen.
Met vriendelijke groet,
Frits Schuurman te Waalre

Veur t zootje holln

wie haarn hier altied rust en roemte

wie keekn van Sibboern tot aan stad

wat dichterbie was Slochtern

woar toun n gasbel onder zat

wie dochtn dat wodt doar net as Texas

dei minsn wodn sloapend riek

mor aal dat geld ging noar Den Hoag tou

en wie kreegn dus gain geliek

d’r was n man dei wos wel beter

hai zee dat gait hier vast nait goud

de grond begunt hier ooit te beevm

din ist hier nait meer zo vertraauwd

dei beste man wor toun wat oetlaagd

de kroan gong nait n beetje dicht

ze deedn hom juust nog wieder oopm

dat was n klap in zien gezicht

toun dei gasbel goud haalf leeg was

kreeg hail Grunnen grode schrik

overaal begon ‘t gedunder

mit scheurn in muurn, al waarn ze nog zo dik

de dakpann begonn te rammeln

soms vuil n schosstain noar benee

kinder konn dr nai van sloapm

wat de NAM toun apmoal dee

toun kwam de vroag noar schoade

en wel dei wel betoaln mos

Den Hoag dee as of dei doof was

en stuurde elk en ain in t bos

elk kin de stutn en de scheurn

wait hou t rond Loppersum wel gait

en stemt op veul partijen

mor helpm, nee, dat doun ze nait

er is nog nooit nog nooit n bedankje west

veur aal dei boortoorns op ons laand

en aal dat geld dat oet de bodem kwam

ging deur nr grode gat in haand

er was nog nooit nog nooit zo wainig licht

gain mins dee hier zien plicht

draai de gaskroan noar Den Hoag mor dicht

din komt dr vast wel hulp in zicht

17-1-2017

(Foto’s afkomstig van Facebookpagina Groninger Bodem Beweging)

Bert Koster
Middelstum
info@bert-koster.nl
bertkoster1@gmail.com
www.bert-koster.nl
06-51715098
0595-552405
KvK nummer: 57250278
BTW nummer: NL001445322B69